onion: ఉల్లి ధరల పెరుగుదలపై కాంగ్రెస్ వినూత్న నిరసన.. కిలో కోడి ఇచ్చి కిలో ఉల్లిగడ్డల కొనుగోలు
ఆకాశమే హద్దుగా పెరిగిపోతున్న ఉల్లి ధరలను నియంత్రించాలని కోరుతూ తెలంగాణలోని ఉమ్మడి కరీంనగర్ జిల్లా కోరుట్లలో కాంగ్రెస్ వినూత్న నిరసన చేపట్టింది. మెడలో ఉల్లిగడ్డల దండలు వేసుకుని జాతీయ రహదారిపై రాస్తారోకోకు దిగారు. ఈ సందర్భంగా ఆ పార్టీ నేత జువ్వాడి కృష్ణారావు మాట్లాడుతూ.. రాయితీపై రాష్ట్ర ప్రభుత్వం ఉల్లిగడ్డలు విక్రయించాలని డిమాండ్ చేశారు.
ఉల్లి ధరలను అదుపు చేయడంలో కేంద్ర రాష్ట్ర ప్రభుత్వాలు పూర్తిగా విఫలమయ్యాయన్నారు. కిలో ఉల్లిగడ్డల రేటుకు కిలో కోడి వస్తోందన్నారు. ఈ సందర్భంగా కోడిని ఇచ్చి ఉల్లిపాయలు కొనుగోలు చేసి నిరసన తెలిపారు. అనంతరం ధరలను తగ్గించాలని కోరుతూ తహసీల్దార్ సత్యనారాయణకు వినతిపత్రం అందించారు.
ఉల్లి ధరలను అదుపు చేయడంలో కేంద్ర రాష్ట్ర ప్రభుత్వాలు పూర్తిగా విఫలమయ్యాయన్నారు. కిలో ఉల్లిగడ్డల రేటుకు కిలో కోడి వస్తోందన్నారు. ఈ సందర్భంగా కోడిని ఇచ్చి ఉల్లిపాయలు కొనుగోలు చేసి నిరసన తెలిపారు. అనంతరం ధరలను తగ్గించాలని కోరుతూ తహసీల్దార్ సత్యనారాయణకు వినతిపత్రం అందించారు.
