సినిమా కబుర్లు.. సంక్షిప్త సమాచారం

   * తనకు చిన్నప్పటి నుంచీ పాటలు పాడడం అంటే ఇష్టమని అంటోంది కథానాయిక రాశిఖన్నా. 'చిన్నప్పుడు సంగీతం నేర్చుకున్నాను. స్కూల్లో కూడా పాడేదాన్ని. ఇప్పుడు ఓ సినిమాలో కూడా పాడాను. అది ఏ సినిమా అన్నది ప్రస్తుతం సస్పెన్స్. త్వరలో చెబుతాను' అని చెప్పింది రాశి.

* తమిళ దర్శకుడు ప్రభు సాల్మన్ దర్శకత్వంలో రానా హీరోగా నటిస్తున్న హిందీ చిత్రం 'హాథి మేరా సాథి' చిత్రం షూటింగ్ పూర్తయింది. రానా పర్యావరణ కార్యకర్తగా నటిస్తున్న ఈ చిత్రాన్ని తెలుగులో 'అడవి రాముడు' పేరుతో విడుదల చేస్తారు.

* ప్రస్తుతం 'సరిలేరు నీకెవ్వరు' చిత్రాన్ని చేస్తున్న మహేశ్ బాబు తన తదుపరి చిత్రాన్ని వంశీ పైడిపల్లి దర్శకత్వంలో చేయనున్నాడు. ఈ విషయాన్ని దర్శకుడు వంశీ తాజాగా కన్ఫర్మ్ చేశాడు. తన తదుపరి చిత్రం మహేశ్ తో చేస్తున్నానని ఆయన చెప్పాడు. దీనిని దిల్ రాజు నిర్మించే అవకాశం వుంది.