Ajith: మురుగదాస్ తో అజిత్ మూవీ లేనట్టే

అజిత్ వరుస విజయాలతో దూసుకుపోతున్నాడు. వైవిధ్యభరితమైన కథలను .. పాత్రలను ఎంచుకుంటూ అభిమానులను ఖుషీ చేస్తున్నాడు. ఆయన 60వ చిత్రంగా 'వలిమై' రూపొందుతోంది. వినోత్ ఈ సినిమాకి దర్శకుడిగా వ్యవహరిస్తున్నాడు. ఈ నేపథ్యంలో అజిత్ 61వ సినిమా .. మురుగదాస్ తో వుండనున్నట్టుగా వార్తలు షికారు చేశాయి.

దాంతో అజిత్ అభిమానులంతా ఆనందంతో పొంగిపోయారు. 2001లో అజిత్ హీరోగా మురుగదాస్ 'ధీనా' అనే సినిమా చేశాడు. మళ్లీ ఇంత కాలానికి ఈ ఇద్దరూ కలిసి సెట్స్ పైకి వెళుతున్నారని అనుకున్నారు. కానీ అజిత్ 61వ సినిమా వెంకట్ ప్రభు దర్శకత్వంలో రూపొందనుందనే విషయం తాజాగా తెరపైకి వచ్చింది. దాంతో మురుగదాస్ తో అజిత్ మూవీ లేనట్టేనని చెప్పుకుంటున్నారు. ప్రస్తుతం మురుగదాస్ 'దర్బార్' సినిమా పనులతో బిజీగా ఉన్నాడనే విషయం తెలిసిందే.