Kaleshwaram: ప్రపంచంలోనే అత్యంత శక్తిమంతమైన పంప్ హౌస్ నిర్మాణం పూర్తి... మేఘా ఇంజినీరింగ్ సంస్థ ఘనత!

తెలంగాణలోని కాళేశ్వరం ప్రాజెక్టులో భాగమైన గాయత్రి పంప్ హౌస్ నిర్మాణం పూర్తయింది. దీన్ని మేఘా ఇంజినీరింగ్ సంస్థ నిర్మించింది. ప్రపంచంలోనే అతిపెద్ద పంప్ హౌస్ గా గాయత్రి పంప్ హౌస్ ఖ్యాతి పొందింది. పూర్తి స్థాయిలో 3 టీఎంసీల నీటిని పంప్ చేయగలిగేలా దీనిని నిర్మించారు. పంప్ హౌస్ నిర్మాణం పూర్తయిన నేపథ్యంలో 7వ మెషీన్ వెట్ రన్ దిగ్విజయంగా నిర్వహించారు.

ఈ 7వ మెషీన్ భూగర్భ పంపింగ్ స్టేషన్ నుంచి 111 మీటర్ల ఎత్తుకు నీటిని ఒక గంటా 40 నిమిషాల పాటు పంప్ చేసింది. ప్రపంచంలోని ఇతర పంప్ హౌస్ ల కంటే దీని సామర్థ్యం ఎక్కువని తెలుస్తోంది. దీంట్లోని ఒక్కో మెషీన్ సామర్థ్యం 139 మెగావాట్లు. రోజుకు 2 టీఎంసీల నీటిని పంపింగ్ చేయగలవు. భౌగోళిక పరిస్థితుల దృష్ట్యా గాయత్రి పంప్ హౌస్ ను 407 అడుగల లోతున నిర్మించారు.