Jagan: జగన్ కిల్లర్ రాజకీయాలు మా ముందు పనిచేయవు: చంద్రబాబు

జగన్ కిల్లర్ రాజకీయాలు టీడీపీ ముందు పనిచేయవని తెలుగుదేశం పార్టీ అధినేత చంద్రబాబు నాయుడు అన్నారు. తెలుగు జాతి ఉన్నంతకాలం తమ పార్టీ ఉంటుందన్నారు. జగన్ డౌన్ డౌన్ అంటే అరెస్టు చేసి కేసులు పెడతారా ? అని బాబు ప్రశ్నించారు.

తాము అధికారంలో ఉన్నప్పుడు జగన్ ప్రతిపక్షంలో కొనసాగుతూ తనను నడిరోడ్డుపై ఉరితీయాలన్న వ్యాఖ్యలు పోలీసులకు వినపడలేదా అని ప్రశ్నించారు. పులివెందుల రాజకీయాలు చేస్తే ఖబడ్దార్... తీవ్రవాదుల దాడులు తనను ఏమీ చేయలేకపోయాయని చంద్రబాబు ఈ సందర్భంగా తెలిపారు.

శ్రీకాకుళంలో టీడీపీ విస్తృత స్థాయి సమావేశంలో చంద్రబాబు మాట్లాడారు. నాయకులు వెళ్లినంత మాత్రాన పార్టీకి నష్టం లేదన్నారు. ఒక నాయకుడు పోతే వంద మంది నేతలు పుడతారన్నారు. శ్రీకాకుళం జిల్లాకు టీడీపీకి అవినాభావ సంబంధం ఉందన్నారు.