Ranchi: రాంచీలో ఉమేశ్ పూనకం వచ్చినట్టు కొడుతుంటే కోహ్లీ పట్టరాని ఆనందం!

రాంచీ వేదికగా జరుగుతున్న మూడో టెస్టులో ఇవాళ ఫాస్ట్ బౌలర్ ఉమేశ్ యాదవ్ మెరుపుదాడితో అలరించాడు. కేవలం 10 బంతులు ఆడిన ఉమేశ్ 31 పరుగులు సాధించాడు. ఉమేశ్ స్కోరులో 5 సిక్సులు ఉన్నాయంటే ఎంత దూకుడుగా ఆడాడో అర్థమవుతుంది. ఆ సిక్సులన్నీ కూడా ఒకే బౌలర్ ను ఉతకడం విశేషంగా చెప్పాలి. సఫారీ స్పిన్నర్ జార్జ్ లిండే విసిరిన ఓ ఓవర్లో 2 సిక్సులు బాదిన ఉమేశ్, ఆ తర్వాత లిండే ఓవర్లోనే 3 సిక్సులతో విరుచుకుపడ్డాడు.

ఓ టెయిలెండర్ బ్యాట్స్ మన్ నుంచి ఇలాంటి ప్రదర్శన ఊహించని టీమిండియా డ్రెస్సింగ్ రూమ్ సంభ్రమాశ్చర్యాలకు లోనైంది. ముఖ్యంగా, కెప్టెన్ విరాట్ కోహ్లీ ఆనందం అంతాఇంతా కాదు. ఉమేశ్ సిక్స్ కొట్టినప్పుడులా డ్రెస్సింగ్ రూమ్ లో హుషారుగా కలియదిరుగుతూ బాగా ఎంజాయ్ చేశాడు.
<iframe src='//players.brightcove.net/3588749423001/Y5cFT70XGK_default/index.html?videoId=6096234009001' allowfullscreen frameborder=0></iframe>