Shivsena: శివసేనకు సినీ గ్లామర్.. దీపాలీని పార్టీలోకి ఆహ్వానించిన ఉద్ధవ్ థాకరే

మహారాష్ట్రలోని రాజకీయ పార్టీల్లో సినీ గ్లామర్ పెరుగుతోంది. గత పార్లమెంటు ఎన్నికల సమయంలోనే పలువురు నటులు రాజకీయాల్లోకి ప్రవేశించారు. ఇప్పుడు మహారాష్ట్ర అసెంబ్లీకి ఎన్నికలు జరగబోతున్నాయి. ఈ తరుణంలో ప్రముఖ మరాఠీ నటి దీపాలీ సయ్యద్ శివసేనలో చేరారు. శివసేన అధినేత ఉద్ధవ్ థాకరే, ఆయన కుమారుడు ఆదిత్య థాకరేల సమక్షంలో పార్టీలో చేరారు.

ఈ సందర్భంగా దీపాలీకి పార్టీ జెండాను, సభ్యత్వాన్ని ఉద్ధవ్ థాకరే అందించారు. అనంతరం దీపాలీ మాట్లాడుతూ, తాను ముంబ్రా కల్వ నియోజకవర్గం నుంచి పోటీ  చేయబోతున్నట్టు తెలిపారు. అక్టోబర్ 21న మహారాష్ట్ర అసెంబ్లీకి ఎన్నికలు జరగనున్నాయి.