'జనగణమన' గీతాన్ని అద్భుతంగా వినిపించిన అమెరికా ఆర్మీ బ్యాండ్... వీడియో వైరల్

19-09-2019 Thu 10:22
  • వాషింగ్టన్ లో ఇరు దేశాల సంయుక్త సైనిక విన్యాసాలు
  • భారీ ఎత్తున కొనసాగుతున్న సంయుక్త మిలిటరీ ట్రైనింగ్
  • జాయింట్ ఎక్సర్ సైజ్ జరుగుతుండటం ఇది 15వ సారి

అమెరికన్ ఆర్మీ భారతీయుల మనసులను దోచుకుంది. వాషింగ్టన్ లో భారత్-అమెరికా సైన్యం నిర్వహిస్తున్న సంయుక్త విన్యాసాల సందర్భంగా... అమెరికన్ ఆర్మీ బ్యాండ్ మన జాతీయగీతమైన 'జనగణమన' ను అద్భుతంగా వాయించింది. దీనికి సంబంధించి వీడియో సోషల్ మీడియాలో వైరల్ అవుతోంది. యుద్ధ్ అభ్యాస్-2019 విన్యాసాల సందర్భంగా వాషింగ్టన్ లోని లూయీస్ మెక్ కార్డ్ బేస్ లో మన జాతీయగీతాన్ని ఆలపించారు. ఇరు దేశాల రక్షణ ఒప్పందాల్లో భాగంగా... ఈ బేస్ లో సంయుక్త మిలిటరీ ట్రైనింగ్ పెద్ద ఎత్తున జరుగుతోంది. ఇరు దేశాల మధ్య ఇక్కడ జాయింట్ ఎక్సర్ సైజ్ జరుగుతుండటం ఇది 15వ సారి కావడం గమనార్హం.