Tollywood: అమెరికాకు పోతున్న నటుడు శివాజీని అదుపులోకి తీసుకున్న పోలీసులు!

ప్రముఖ నటుడు శివాజీని ఈరోజు పోలీసులు అదుపులోకి తీసుకున్నారు. అలంద మీడియా కేసులో శివాజీపై కేసు నమోదు చేసిన సైబరాబాద్ పోలీసులు అతని కోసం కొన్ని రోజులుగా గాలిస్తున్న సంగతి తెలిసిందే. ఈ నేపథ్యంలో శంషాబాద్ ఎయిర్ పోర్టు నుంచి విదేశాలకు పోయేందుకు శివాజీ యత్నించగా, సైబరాబాద్ పోలీసులు ఆయన్ను అదుపులోకి తీసుకున్నారు

అనంతరం సైబరాబాద్ క్రైమ్ పోలీస్ స్టేషన్ కు తరలించారు. ఈ విషయమై పోలీసులు మాట్లాడుతూ.. శివాజీ శంషాబాద్ నుంచి అమెరికాకు  పోయేందుకు ప్రయత్నించారని తెలిపారు. కానీ గతంలోనే శివాజీపై లుకౌట్ నోటీసులు జారీచేయడంతో ఇమ్మిగ్రేషన్ అధికారులు ఆయన్ను గుర్తించి పోలీసులకు సమాచారం ఇచ్చారని చెప్పారు. దీంతో శివాజీని అదుపులోకి తీసుకున్నామనీ, విచారిస్తున్నామని పేర్కొన్నారు.