Thamanna: సినిమా కబుర్లు.. సంక్షిప్త సమాచారం
- 'రాజుగారి గది 3' నుంచి తప్పుకున్న తమన్నా
- షూటింగులో జాయిన్ అయిన మెగా హీరో
- మరో హిందీ చిత్రాన్ని ప్లాన్ చేస్తున్న దిల్ రాజు
* ఓంకార్ దర్శకత్వంలో తమన్నా కథానాయికగా 'రాజుగారి గది 3' చిత్రం ఇటీవల ప్రారంభమైన సంగతి తెలిసిందే. అయితే, తాజా సమాచారం ప్రకారం, ఈ ప్రాజక్టు నుంచి తమన్నా తప్పుకుంది. తనకు తెలియకుండా కథకు పలు మార్పులు చేయడంతో ఆమె తప్పుకున్నట్టు తెలుస్తోంది.
* సాయిధరం తేజ్ హీరోగా మారుతి దర్శకత్వంలో 'ప్రతి రోజు పండగే' పేరిట ఓ చిత్రం రూపొందుతున్న సంగతి విదితమే. ఈ చిత్రం తాజా షెడ్యూలు షూటింగ్ నిన్నటి నుంచి హైదరాబాదులో జరుగుతోంది. మూడు తరాల కథగా రూపొందుతున్న ఈ చిత్రంలో రాశిఖన్నా కథానాయికగా నటిస్తోంది.
* ప్రముఖ నిర్మాత దిల్ రాజు హిందీలో కూడా చిత్ర నిర్మాణాన్ని కొనసాగించడానికి నిర్ణయం తీసుకున్నాడు. ఇప్పటికే బోనీకపూర్ తో కలసి 'ఎఫ్ 2' చిత్రాన్ని రీమేక్ చేస్తుండగా, తాజాగా 'జెర్సీ' చిత్రం హిందీ రీమేక్ నిర్మాణంలో కూడా భాగస్వామి అవుతున్నట్టు సమాచారం.
