indraja: ఆ సినిమా విషయంలో నేను చాలా ఫీలయ్యాను: సీనియర్ హీరోయిన్ ఇంద్రజ

తెలుగులో నిన్నటితరం కథానాయికగా ఇంద్రజ మంచి గుర్తింపు తెచ్చుకున్నారు. నటన పరంగా .. గ్లామర్ పరంగా ప్రశంసలు అందుకున్నారు. తాజా ఇంటర్వ్యూలో ఆమె మాట్లాడుతూ .. "ఒక మంచి పాత్ర లభించినప్పుడు .. ఆ పాత్రలో ఇమిడిపోయి చేసినప్పుడు .. అందుకు సంబంధించిన సన్నివేశాలను ఎడిటింగ్ టేబుల్ దగ్గర లేపేసినప్పుడు బాధ కలగడం సహజం.

 అలా నేను 'దిక్కులు చూడకు రామయ్య' సినిమాలో నా పాత్ర విషయంలో ఫీలయ్యాను. ప్రీ క్లైమాక్స్ లో నేను చాలా బాగా చేసిన సీన్స్ ను లేపేశారు. ప్రివ్యూ చూసినప్పుడు నేను చాలా ఫీలయ్యాను. ఎందుకు ఇలా చేశారని అడిగితే, నిడివి కారణమంటారని తెలుసు. అందువలన నేను అడగలేదు. ఏ విషయంలోను ఎవరినీ తప్పుపట్టే అలవాటు నాకు లేదు" అని చెప్పుకొచ్చారు.