Telangana: పదేళ్ల చిన్నారిపై అత్యాచారం.. కరీంనగర్ వాసికి న్యూజిలాండ్ లో 14 ఏళ్ల జైలుశిక్ష

తెలంగాణకు చెందిన సల్వాజి సీతారామారావు అనే వ్యక్తికి న్యూజిలాండ్ లో 14 ఏళ్ల జైలుశిక్ష విధించారు. సీతారామారావు పదేళ్ల బాలికపై అత్యాచారం చేశాడన్న ఆరోపణలు రుజువు కావడంతో న్యాయమూర్తి ఈ శిక్ష విధించారు. సీతారామారావు 19 ఏళ్ల క్రితం కరీంనగర్ నుంచి న్యూజిలాండ్ వలస వెళ్లారు. అయితే, 2003లో ఓ పదేళ్ల బాలికపై లైంగిక దాడికి పాల్పడ్డాడు.

అప్పట్లో తనపై జరిగిన అఘాయిత్యాన్ని బయటకు చెప్పుకోవడానికి ఆ పాప ఎంతో భయపడిపోయింది. యుక్తవయస్సు వచ్చిన తర్వాత ఆనాటి ఘటన కారణంగా ఎంతో కుంగుబాటుకు గురైంది. ఎట్టకేలకు 2017లో ఈ విషయాన్ని తల్లిదండ్రులకు చెప్పడంతో వాళ్లు పోలీసులకు ఫిర్యాదు చేశారు.

అప్పటినుంచి రెండేళ్లపాటు ఈ కేసును విచారించిన న్యాయస్థానం సీతారామారావు దోషి అని తేల్చి కఠినకారాగార శిక్ష విధిస్తూ తీర్పు వెలువరించింది. ఘటన జరిగిన 16 ఏళ్ల తర్వాతైనా నిందితుడికి శిక్ష పడడం పట్ల న్యూజిలాండ్ లో హర్షం వ్యక్తమవుతోంది.