Sangareddy District: రెండో భార్య, ఆమె కొడుకుపై భర్త దాడి.. అనంతరం ఉరేసుకుని ఆత్మహత్య

సంగారెడ్డి జిల్లా పటాన్‌చెరు మండలం చిట్కుల్‌లో దారుణం జరిగింది. సుబ్బరాజు అనే వ్యక్తి తన రెండో భార్య లక్ష్మి పైనా, ఆమెకు మొదటి భర్త ద్వారా పుట్టిన కొడుకు చైతన్యపైన కత్తితో దాడి చేశాడు. ఈ దాడిలో లక్ష్మి కొడుకు అక్కడికక్కడే మృతి చెందగా, ఆమెకు తీవ్రగాయాలయ్యాయి. అనంతరం తనూ ఉరేసుకుని ఆత్మహత్యకు పాల్పడ్డాడు. సుబ్బరాజు రెండు నెలల క్రితమే లక్ష్మిని రెండో వివాహం చేసుకున్నాడు. ఇంతలోనే ఈ దారుణానికి ఒడిగట్టాడు. పోలీసులు ఘటనా స్థలికి చేరుకుని విచారణ జరుపుతున్నారు.