Murali Mohan: సినీ నటుడు మురళీమోహన్ కు మాతృవియోగం

సినీ నటుడు, ప్రముఖ వ్యాపారవేత్త, రాజమండ్రి ఎంపీ మురళీమోహన్ కు మాతృవియోగం కలిగింది. మురళీమోహన్ తల్లి మాగంటి వసుమతి దేవి అనారోగ్యం కారణంగా కన్నుమూశారు. ఆమె వయసు 100 సంవత్సరాలు. అనారోగ్యంతో బాధపడుతున్న వసుమతి దేవిని విశాఖపట్నంలోని ఓ ప్రైవేటు ఆసుపత్రిలో చేర్చగా, చికిత్స పొందుతూ తుదిశ్వాస విడిచారు.

ఆమె భౌతికకాయాన్ని రాజమండ్రిలోని మురళీమోహన్ నివాసానికి ఈ సాయంత్రం తీసుకురానున్నారు. ఆమె అంత్యక్రియలు శుక్రవారం జరిగే అవకాశాలున్నాయి. మురళీమోహన్ కు మాతృవియోగం కలిగిందని తెలిసి అన్ని రంగాల ప్రముఖులు సంతాపం తెలియజేస్తున్నారు.