Andhra Pradesh: తిరుమల శ్రీవారిని దర్శించుకున్న హీరోయిన్ పూనమ్ కౌర్!

ప్రముఖ నటి పూనమ్ కౌర్ ఈరోజు తిరుమల శ్రీవారిని దర్శించుకున్నారు. ఎన్నికల సందర్భంగా రద్దీ తక్కువగా ఉన్న నేపథ్యంలో ఈరోజు తెల్లవారుజామున సంప్రదాయ వస్త్రధారణలో స్వామివారిని దర్శించుకున్నారు. అనంతరం బయటకు వచ్చిన  పూనమ్ మీడియాతో మాట్లాడకుండానే వెళ్లిపోయారు.

ఈ సందర్భంగా ఆలయ సిబ్బందితో పూనమ్ ఫొటోలు దిగారు. సార్వత్రిక ఎన్నికలకు ఒక్కరోజు ముందు పూనమ్ శ్రీ వెంకటేశ్వర స్వామిని దర్శించుకోవడం ప్రాధాన్యత సంతరించుకుంది.