Redmi Go: రూ. 4,499కి రెడ్ మీ గో... రూ. 2,200 క్యాష్ బ్యాక్... నేడు ఫ్లిప్ కార్ట్ లో ప్రత్యేక అమ్మకాలు!

చైనాకు చెందిన స్మార్ట్ ఫోన్ తయారీ సంస్థ షియోమీ, అత్యంత చౌకైన స్మార్ట్ ఫోన్ 'రెడ్ మీ గో'ను నేటి నుంచి అందుబాటులోకి తేనుంది. కేవలం రూ. 4,499 ధరతో ఫ్లిప్ కార్ట్ లో మధ్యాహ్నం 2 గంటల నుంచి అమ్మకాలు ప్రారంభం కానున్నాయి. గతవారంలో మార్కెట్లోకి వచ్చిన ఈ స్మార్ట్ ఫోన్ తొలి ఫ్లాష్ సేల్ విజయవంతంకాగా, నేడు మరో దఫా అమ్మకాలను ఫ్లిప్ కార్ట్ ద్వారా షియోమీ చేపట్టనుంది.

కాగా, ఈ ఫోన్ కొన్న వారికి జియో నుంచి రూ. 2,200 క్యాష్ బ్యాక్ లభించడం అదనపు లాభం. ఈ ఫోన్ ఫీచర్లను పరిశీలిస్తే, 5 అంగుళాల హెచ్‌డీ స్క్రీన్, క్వాల్‌ కామ్ స్నాప్‌ డ్రాగన్ 425 చిప్‌ ప్రాసెసర్, ఆండ్రాయిడ్ ఒరియో ఆపరేటింగ్ సిస్టమ్, 1 జీబీ ర్యామ్, 8 జీబీ స్టోరేజ్‌, 8/5 ఎంపీ కెమెరాలు, 3000 ఎంఏహెచ్ బ్యాటరీ ఉంటాయి.