prudhvi: 'లక్ష్మీస్ ఎన్టీఆర్' లో అన్నీ నిజాలే ఉంటాయన్న నమ్మకం ఉంది: కమెడియన్ పృథ్వీ

నటుడిగా ఎన్నో విభిన్నమైన పాత్రలను పోషించిన పృథ్వీ, ఇటీవలే రాజకీయాలలోను బిజీ అయ్యారు. తాజా ఇంటర్వ్యూలో ఆయన మాట్లాడుతూ, ఎన్టీఆర్ బయోపిక్ గురించి తన మనసులోని మాటను చెప్పారు. 'కథానాయకుడు'లో బాలకృష్ణ 32 గెటప్స్ లో కనిపించారు .. ఆ పాత్రల్లో ఆయన అద్భుతంగా నటించారు. 'మహానాయకుడు' సినిమా దగ్గరికి వచ్చేసరికి, అందులో ఎన్టీఆర్ ఎక్కడా కనిపించలేదు. వియ్యంకుడైన చంద్రబాబు నాయుడిని మంచివాడిగా చూపించడం కోసం 'మహానాయకుడు' తీశారు.

ఆ పాత్రను రానా చేశాడట .. నేను చూడలేదు. ఈ సినిమాను ప్రేక్షకులు ఎంతవరకూ ఆదరించారనే విషయం అందరికీ తెలిసిందే. 'లక్ష్మీస్ ఎన్టీఆర్'లో నిజాలు చూపిస్తారనే నమ్మకం నాకుంది. ఈ సినిమా ట్రైలర్ ను వదిలిన ఒక గంటలోనే 10 లక్షల వ్యూస్ వచ్చాయి. రామారావుగారి జీవితంలోకి లక్ష్మీపార్వతి ఎంటరైన దగ్గర నుంచే కథ నడుస్తుంది .. అసలు ఇందులో ఎన్టీఆర్ గా నేను చేయవలసింది .. కొద్దిలో మిస్సయ్యాను" అంటూ చెప్పుకొచ్చారు.