KTR: కేటీఆర్‌ను కలిసిన అమెరికా కాన్సుల్ జనరల్ కేథరిన్ హడ్డా
- విద్యార్థుల సమస్యపై మాట్లాడిన కేటీఆర్
- బయటపడేందుకు సహకరించాలని వినతి
- వ్యాపార, వాణిజ్యాలపై చర్చ
టీఆర్ఎస్ వర్కింగ్ ప్రెసిడెంట్ కేటీఆర్‌ను నేడు అమెరికా కాన్సుల్ జనరల్ కేథరిన్ హడ్డా హైదరాబాదు, ప్రగతి భవన్‌లో కలిశారు. మర్యాదపూర్వకంగా జరిగిన ఈ సమావేశంలో పలు కీలక విషయాలపై చర్చ జరిగింది. టీఆర్ఎస్ వర్కింగ్ ప్రెసిడెంట్‌గా పదవీ బాధ్యతలు చేపట్టిన కేటీఆర్‌కి కేథరిన్ అభినందనలు తెలిపారు.
రాజకీయాల్లో చొరవ, ఉత్సాహం చూపించే కేటీఆర్‌కు ఈ పదవి సరిగ్గా సరిపోతుందని ఆమె అభిప్రాయపడ్డారు. ఈ సందర్భంగా అమెరికాలో నకిలీ యూనివర్సిటీ సంక్షోభంలో చిక్కుకున్న తెలుగు విద్యార్థులు సమస్య నుంచి బయటపడేందుకు సహకరించాలని కేథరిన్‌ను కేటీఆర్ కోరారు. అలాగే తెలంగాణతో అమెరికాకు సంబంధించిన వ్యాపార వాణిజ్యాలపై చర్చించినట్టు కేథరిన్ మీడియాకు తెలిపారు.
