తిరుమల కొండ పెళ్లి కళతో కళకళలాడుతోంది. ఈ నెల 13, 14, 15 తేదీల్లో శుభ ముహూర్తాలు ఉండడంతో తిరుమల శ్రీవారి సన్నిధిలో మూడువేలకు పైగా జంటలు ఒకటి కాబోతున్నాయి. ఇందుకోసం తిరుమల తిరుపతి దేవస్థానం పాలకమండలి ప్రత్యేక చర్యలు చేపడుతోంది.
ఆ మూడు రోజులు కొండపైకి భక్తులు భారీ సంఖ్యలో తరలివచ్చే అవకాశం ఉన్నందున, ఎలాంటి ఇబ్బందులు కలగకుండా ఏర్పాట్లు చేస్తున్నారు. ఇందులో భాగంగా మండపాలను ముస్తాబు చేయడం, వసతి గదుల కేటాయింపు, మంచినీటికి ఎద్దడి లేకుండా చూడడం... వంటి సౌకర్యాలను సమకూరుస్తున్నారు.
