Gujarath: ఎస్యూవీని తుక్కు తుక్కు చేసిన రెండు ట్రక్కులు... ఒకే కుటుంబానికి చెందిన 10 మంది దుర్మరణం!

గుజరాత్ లో జరిగిన ఘోర రోడ్డు ప్రమాదంలో ఒకే కుటుంబానికి చెందిన 10 మంది దుర్మరణం పాలైన ఘటన గుజరాత్ లో జరిగింది. కచ్ జిల్లాలోని భచావ్ జాతీయ రహదారిపై ఈ ప్రమాదం జరిగిందని పోలీసులు తెలిపారు. ఉప్పు లోడుతో వెళుతున్న ట్రక్కు, అదుపుతప్పి, డివైడర్ ను దాటి అవతలికి వెళ్లి, 11 మంది ప్రయాణిస్తున్న ఎస్యూవీని ఢీకొట్టగా, అదే సమయంలో అటువైపుగా వస్తున్న ఇంకో ట్రక్కు కూడా ఢీకొంది. ఈ ప్రమాదంలో భుజ్ లోని తమ స్వగ్రామానికి వెళుతున్న కుటుంబంలోని 10 మంది మరణించారు. ఘటన గురించి తెలుసుకున్న ముఖ్యమంత్రి విజయ్ రూపానీ, మృతుల కుటుంబాలను ఆదుకుంటామని తెలిపారు. ఈ ఘటన దురదృష్టకరమని వ్యాఖ్యానించారు.