F2: ఆకట్టుకుంటోన్న 'ఎఫ్ 2' సెకండ్ లిరికల్ సాంగ్

శ్రీ వెంకటేశ్వర క్రియేషన్స్ పతాకంపై దిల్ రాజు నిర్మించిన 'ఎఫ్ 2' సినిమా నుండి సెకండ్ లిరికల్ సాంగ్ ని చిత్ర బృందం కాసేపటి క్రితం విడుదల చేసింది. తమన్నా .. మెహ్రీన్ కథానాయికలుగా కనిపించనున్న ఈ సినిమా, సంక్రాంతి కానుకగా ప్రేక్షకుల ముందుకు రానుంది. "స్వర్గమే నేలపై వాలినట్టు .. నింగిలోని తారలే చేతిలోకి జారినట్టు .. గుండెలోన పూలవాన కురిసినట్టుగా .. ఎంతో ఫన్ .. ఎంతో ఫన్" అంటూ ఈ పాట కొనసాగుతోంది.

ఈ పాట మేకింగ్ వీడియోకి సంబంధించిన దృశ్యాలపై ఈ వీడియోను కట్ చేశారు. వెంకటేశ్ .. తమన్నాలకి సంబంధించిన వేడుకలో సరదాగా .. సందడిగా సాగే గ్రూప్ సాంగ్ లా ఈ పాట వస్తుందనే విషయం అర్థమవుతోంది. వెంకటేశ్ .. తమన్నాలు ఈ వీడియోలో ఎక్కువగా కనిపిస్తున్నారు. ఈ సాంగ్ ను అనిల్ రావిపూడి మంచి కలర్ ఫుల్ గా చిత్రీకరించినట్టు ఈ వీడియోను బట్టి తెలుస్తోంది. తొలిసారిగా మల్టీ స్టారర్ చేస్తోన్న అనిల్ రావిపూడి .. హిట్ కొట్టేలానే కనిపిస్తున్నాడు.