Telangana: చేవెళ్లలో ‘కె’ రాజకీయం.. పోటీ చేస్తున్న అభ్యర్థులందరి ఇంటిపేర్లు ఒకే అక్షరంతో మొదలు!

ఎన్నికలు సమీపించే వేళ చిత్రవిచిత్రాలకు కొదవుండదు. తాజాగా తెలంగాణలోని చేవెళ్ల నియోజకవర్గంలో ఇలాంటి ఆసక్తికరమైన పరిస్థితి నెలకొంది. ఇక్కడ పోటీలో ఉన్న ప్రధాన పార్టీల అభ్యర్థులందరి పేర్లు ‘కె’ అక్షరంతో మొదలవుతాయి. ఇక్కడ మొత్తం 9 మంది అభ్యర్థులు పోటీలో ఉన్నారు. వీరిలో టీఆర్ఎస్ అభ్యర్థి కాలే యాదయ్య, కాంగ్రెస్ అభ్యర్థి కేెఎస్ రత్నం, బీజేపీ అభ్యర్థి కంచర్ల ప్రకాశ్, బీఎస్పీ అభ్యర్థి కర్రె సునీల్ కుమార్ ఇలా 9 మంది అభ్యర్థుల ఇంటిపేర్లు ‘కె’ అనే అక్షరంతో మొదలవుతున్నాయి. అలాగే చేవెళ్ల బరిలో ఉన్న తొమ్మిది మంది అభ్యర్థుల్లో నలుగురు మొయినాబాద్ మండలానికి చెందినవారే కావడం గమనార్హం.