నామినేషన్ ను ఉపసంహరించుకుంటున్నా: కాంగ్రెస్ సీనియర్ నేత శంకర్ రావు

తనకు కాంగ్రెస్ టికెట్ లభించకపోవడంతో ఆ పార్టీ సీనియర్ నేత శంకర్ రావు ఆగ్రహానికి గురయ్యారు. ఈ నేపథ్యంలో, షాద్ నగర్ అసెంబ్లీ స్థానం నుంచి ఆయన ఇండిపెండెంట్ గా నామినేషన్ దాఖలు చేశారు. ఆ తర్వాత సమాజ్ వాదీ పార్టీలో చేరారు. ఆ పార్టీ శంకర్ రావుకు బీఫామ్ ఇచ్చినట్టు కూడా సమాచారం. అయితే, ఊహించని విధంగా తన నామినేషన్ ను ఉపసంహరించుకుంటున్నట్టు ఆయన ప్రకటించారు. కాంగ్రెస్ పార్టీ, మహాకూటమి తరపున పోటీ చేసే అభ్యర్థుల విజయానికి కృషి చేస్తానని తెలిపారు.