సినిమా కబుర్లు.. సంక్షిప్త సమాచారం

*  తాజాగా విడుదలైన 'అమర్ అక్బర్ ఆంటోని' చిత్రంలో నటించిన కథానాయిక ఇలియానాను ఆ సినిమా తీవ్రంగా నిరాశపరచింది. అయితే, ఇదే సమయంలో అమ్మడికి బాలీవుడ్ నుంచి పెద్ద ఆఫర్ వచ్చింది. జాన్ అబ్రహాం హీరోగా అనీస్ బజ్మీ రూపొందిస్తున్న 'పాగల్ పంటి' చిత్రంలో కథానాయికగా నటించే ఛాన్స్ ఆమెకు వచ్చింది.
*  కమలహాసన్, శంకర్ కాంబినేషన్ లో రూపొందుతున్న 'భారతీయుడు 2'లో తెలుగు హాస్యనటుడు వెన్నెల కిశోర్ ఓ ముఖ్య పాత్ర పోషించనున్నట్టు సమాచారం. ఈ చిత్రానికి సంబంధించిన రెగ్యులర్ షూటింగ్ త్వరలో ప్రారంభం కానుంది.
*  గతంలో పలు చిత్రాలలో కథానాయికగా నటించిన సంగీత ఎనిమిదేళ్ల విరామం అనంతరం మళ్లీ టాలీవుడ్ కి వచ్చింది. శ్రీకాంత్ హీరోగా రూపొందుతున్న 'తెలంగాణ దేవుడు' చిత్రంలో సంగీత కథానాయికగా నటించింది.