china army: భారత రక్షణ వ్యవస్థపై గురి పెట్టిన చైనా మిలిటరీ: ఇంటెలిజెన్స్

భారత రక్షణ వ్యవస్థపై చైనా మిలిటరీ గురి పెట్టిందంటూ ఇంటెలిజెన్స్ వర్గాలు హెచ్చరించాయి. రక్షణ వ్యవస్థను లక్ష్యంగా చేసుకుని చైనా సైబర్ దాడులకు పాల్పడే అవకాశం ఉందని తెలిపాయి. దీని కోసం చైనా ఆర్మీ ఇప్పటికే ఓ ప్రత్యేక విభాగాన్ని సిద్ధం చేసుకుందని చెప్పాయి. ఇంటెలిజెన్స్ కు చెందిన ఓ అధికారి మాట్లాడుతూ, సైబర్ స్పేస్ లో అందుబాటులో ఉన్న సమాచారాన్ని సేకరించడం, అంతర్జాతీయంగా డిజిటల్ కమ్యూనికేషన్ ను అవగతం చేసుకోవడంపై ఈ విభాగం దృష్టి సారించిందని తెలిపారు. యూనిట్ 61398 పేరుతో ఇప్పటికే రహస్యంగా భౌగోళిక సమాచారాన్ని సేకరిస్తోందని చెప్పారు. షాంఘైలోని ప్రధాన కార్యాలయంలో యూనిట్ 61398 కార్యకలాపాలను సాగిస్తోందని... ఇది ఆందోళన కలిగించే అంశమని అన్నారు.