Trisha: సినిమా కబుర్లు.. సంక్షిప్త సమాచారం

*  త్రిష, విజయ్ సేతుపతి జంటగా ఇటీవల తమిళంలో వచ్చిన '96' చిత్రానికి అక్కడ మంచి ఆదరణ లభిస్తోంది. ఈ సినిమా విడుదల కాకుండానే దీని తెలుగు రీమేక్ రైట్స్ ను ప్రముఖ నిర్మాత దిల్ రాజు సొంతం చేసుకున్నాడు. ఈ రీమేక్ లో కూడా త్రిషను నాయికగా నటింపజేసేందుకు ప్రయత్నాలు జరుగుతున్నాయి. ఈ విషయంలో ప్రస్తుతం చర్చలు జరుగుతున్నాయి.
*  రామ్ చరణ్, బోయపాటి కాంబినేషన్లో రూపొందుతున్న యాక్షన్ ఎంటర్ టైనర్ కి టైటిల్ కోసం కసరత్తు జరుగుతోంది. మొదట్లో 'స్టేట్ రౌడీ' అని, ఆ తర్వాత 'తమ్ముడు' అనీ కొన్ని పేర్లు ప్రచారంలోకి వచ్చాయి. తాజాగా 'వినయ విధేయ రామ' అనే క్లాస్ టైటిల్ని పరిశీలిస్తున్నట్టు తెలుస్తోంది.
*  తెలుగులో ఘన విజయం సాధించిన 'అత్తారింటికి దారేది' చిత్రాన్ని శింబు హీరోగా తమిళంలో రీమేక్ చేస్తున్నారు. కాగా, తెలుగు వెర్షన్ లో నదియా నటించిన కీలకమైన పాత్రను తమిళంలో రమ్యకృష్ణ చేయనున్నట్టు తాజా సమాచారం.