DMK: డీఎంకే అధ్యక్షుడు స్టాలిన్ కు అస్వస్థత... అపోలోలో చేరిక

డీఎంకే పార్టీ అధ్యక్షుడు ఎంకే స్టాలిన్ గత రాత్రి స్వల్ప అస్వస్థతకు గురికావడంతో ఆయన్ను చెన్నైలోని అపోలో ఆసుపత్రికి తరలించారు. ఆయనకు చిన్న శస్త్రచికిత్స చేశామని, కుడి తొడలో సమస్యగా మారిన తిత్తిని తొలగించామని వైద్యులు ఈ ఉదయం వెల్లడించారు. గత కొంతకాలంగా నడవటంలో స్టాలిన్ ఇబ్బందులు పడుతుండగా, నిన్న ఒక్కసారిగా బాధ అధికం కావడంతో ఆయన ఆసుపత్రిలో చేరినట్టు తెలుస్తోంది. స్టాలిన్ ను ఈ మధ్యాహ్నం ఆసుపత్రి నుంచి డిశ్చార్జ్ చేస్తామని అపోలో ఆసుపత్రి వైద్య బృందాలు వెల్లడించాయి.