shivakrishna: సెట్లో ఎన్టీఆర్ వున్నారు .. మా అన్నయ్య వచ్చి నన్ను ఆ సీన్ చేయొద్దని అన్నాడు: శివకృష్ణ

తాజాగా 'ఆలీతో సరదాగా' కార్యక్రమంలో శివకృష్ణ మాట్లాడుతూ, 'నా దేశం' సినిమా గురించి ప్రస్తావించారు. కె.బాపయ్య గారు 'నా దేశం' సినిమాకి దర్శకులు. ఈ సినిమాలో ఒక ముఖ్యమైన పాత్రను నాతో చేయించారు. నా ఆరాధ్య దైవం ఎన్టీఆర్ కనుక .. ఆయన సినిమాలో చేయడానికి అంగీకరించాను. ఈ సినిమాలోని ఒక సన్నివేశాన్ని ముషీరాబాద్ 'కట్టెలడితి'లో షూట్ చేశారు. అక్కడి సీన్లో దుంగలు దొర్లి నాపై పడి చేతులు కట్ అయ్యే  సీన్ ను చిత్రీకరించనున్నారు.

సరిగ్గా ఆ సమయంలో మా అన్నయ్య అక్కడికి వచ్చాడు. తీయబోయే సీన్ ఏమిటన్నది తెలుసుకున్నాడు. నాపై పడేది నిజమైన దుంగలు అనుకుని, డ్రైవర్ ని పిలిచి నన్ను ఇంటికి తీసుకెళ్లిపొమ్మన్నాడు. ఆ దుంగలు పడి ఏమైనా అయితే ఏమిటి పరిస్థితి ..నువు యాక్ట్ చేయడానికి వీల్లేదు' అన్నాడు. సెట్లో ఎన్టీఆర్ గారు వున్నారు .. ఆయనతో చేయాలనేది నా కల .. అందువలన మా అన్నయ్యకి నచ్చజెప్పి అక్కడి నుంచి పంపించివేశాను" అని చెప్పుకొచ్చారు.