sivaprasad: టీడీపీ ఎంపీ మమ్మల్ని అవమానించాడు.. పోలీసులకు ట్రాన్స్ జెండర్ల ఫిర్యాదు!

పార్లమెంటులో చిత్రవిచిత్ర వేషధారణతో మీడియా దృష్టిని ఆకర్షిస్తున్న చిత్తూరు పార్లమెంటు సభ్యుడు, టీడీపీ నేత శివప్రసాద్ ఇబ్బందుల్లో పడ్డారు. పార్లమెంటు వర్షాకాల సమావేశాల సందర్భంగా ట్రాన్స్ జెండర్ వేషంలో ఆయన చేసిన హంగామాపై ఓ హిజ్రా పోలీసుల్ని ఆశ్రయించారు. ‘మోదీ బాయా’ అంటూ పాటలు పాడుతూ శివప్రసాద్ తమ మనోభావాలను దెబ్బతీశారని ట్రాన్స్ జెండర్ అసోసియేషన్ ప్రతినిధి తమన్నా తెలిపారు.

ఈ వ్యవహారంపై విజయవాడ గవర్నర్ పేట పోలీసులకు ఆమె ఫిర్యాదు చేశారు. తన చేష్టలు, మాటలతో శివప్రసాద్ ట్రాన్స్ జెండర్ల మనోభావాలను దెబ్బతీశారని తమన్నా ఆరోపించారు. ఆపరేషన్లు చేసుకుని మహిళలుగా మారిన తమను శివప్రసాద్ తీవ్రంగా అవమానించారని ఆవేదన వ్యక్తం చేశారు. ఈ రకంగా ప్రవర్తించినందుకు ఆయన వెంటనే  క్షమాపణలు చెప్పాలని డిమాండ్ చేశారు.