jhansi: నాకు చెప్పకుండా నన్ను తీసేశారు .. అప్పుడు చాలా బాధపడ్డాను: యాంకర్ ఝాన్సీ

టీవీ చానల్స్ లో యాంకర్ గా ఝాన్సీ ఎన్నో కార్యక్రమాలను చేసింది .. ఎంతో గుర్తింపు తెచ్చుకుంది. యాంకర్ గా తన కెరియర్లో తనకి ఎదురైన ఒక చేదు అనుభవాన్ని గురించి తాజాగా ఆమె ఐ డ్రీమ్స్ ఇంటర్వ్యూలో ప్రస్తావించింది. "నా కెరియర్ మొదట్లో .. జెమినీ టీవీలో 'పోస్ట్ బాక్స్ నెంబర్ 1562' అనే ప్రోగ్రామ్ చేసేదానిని. ఒక రోజున నేను స్టూడియోకి వెళ్లేసరికి నా ప్లేస్ లో వేరే యాంకర్ కనిపించింది.

'ఇలా ఎందుకు చేశారు సార్?' అని అడిగితే .. 'చేంజ్ వుంటే బాగుంటుంది కదా .. 'అనే సమాధానం వచ్చింది. అప్పుడు నిజంగా నాకు చాలా బాధకలిగింది .. అలాంటి బాధ నా వలన వేరొకరికి కలగకూడదనే ఉద్దేశంతో ఒక నిర్ణయానికి వచ్చాను. నా కంటే ముందుగా ఒక యాంకర్ చేసిన ప్రోగ్రామ్ .. నా చేతికి వచ్చినప్పుడు, ముందున్న యాంకర్ కి ఫోన్ చేసి .. ఈ విషయం మీకు తెలుసా? అని అడిగి చేసేదానిని. జగపతిబాబు .. ధర్మవరపు సుబ్రమణ్యం .. మనో .. అవసరాల శ్రీనివాస్ చేసిన ప్రోగ్రామ్స్ నా చేతికి వచ్చినప్పుడు .. వాళ్లను అడిగే ఆ కార్యక్రమాలను చేశాను" అని చెప్పుకొచ్చింది.