Pawan Kalyan: ‘మీ పెళ్లికి పవన్ అన్న వస్తారా?: రేణూ దేశాయ్ కు నెటిజన్ ప్రశ్న

నటి రేణూ దేశాయ్ రెండో పెళ్లి చేసుకోనున్న విషయం తెలిసిందే. ఈ విషయం తెలిసినప్పటి నుంచి పవన్ కల్యాణ్, రేణూ దేశాయ్ అభిమానులు సామాజిక మాధ్యమాల వేదికగా ఆమెకు పలు ప్రశ్నలు సంధించడమే కాకుండా ఉచిత సలహాలు కూడా ఇస్తున్నారు. ఓ సామాజిక మాధ్యమంలో లైవ్ లో నిర్వహించిన కార్యక్రమంలో నెటిజన్ల ప్రశ్నలకు రేణూదేశాయ్ ఆసక్తికర సమాధానాలు ఇచ్చింది.

* మీ పెళ్లికి పవన్ అన్న వస్తారా?

రేణూ దేశాయ్: ఆయన్నే అడగండి. ఆయన కూడా సోషల్ మీడియాలో ఉన్నారుగా

* పీకే మళ్లీ కలిసుందామంటే వస్తారా?

 రేణూ దేశాయ్: మీకు, నిజంగా భారతరత్న ఇవ్వాలి!

* మేడమ్.. మీ పిల్లల గురించే నా బాధ?

రేణూ దేశాయ్: నా పిల్లల గురించి మీరు బాధపడొద్దు. వాళ్లకు తల్లి, తండ్రి.. పెదనాన్న, నానమ్మ, పిన్ని, పెద్దమ్మ... చాలామంది ఉన్నారు. మీరు, అసలు టెన్షన్ పడొద్దు. మీరు, మీ పిల్లలను సంతోషంగా చూసుకుంటే చాలు

* అకీరా హీరోగా యాక్టు చేస్తాడా?

రేణూ దేశాయ్: అకీరాకు యాక్టింగ్ ఇష్టం లేదు

*  మీరు వేరే పెళ్లి చేసుకుంటామనడం మాకు బాధగా ఉంది ?  

రేణూ దేశాయ్: నేను పెళ్లి చేసుకుంటానంటే మీకెందుకు బాధ? నేను మీ ఇంటి అమ్మాయిని కాదు. మీ ఇంటి అమ్మాయి గురించి మీరు ఆలోచించుకోవాలి. సెలెబ్రిటీస్, పొలిటీషియన్స్ గురించి ఇంత పర్సనల్ గా మీరు ఆలోచించకూడదు.