Kerala: చట్ట ప్రకారం పెళ్లి వయసు రాకపోయినా కలసి జీవించవచ్చు.. కేరళ హైకోర్టు సంచలన తీర్పు!

అమ్మాయి, అబ్బాయిలు మేజర్లు కాకపోయినప్పటికీ పరస్పర అంగీకారంతో సహజీవనం చేసే హక్కు ఉందని గతంలో సుప్రీంకోర్టు ఇచ్చిన తీర్పును గుర్తు చేస్తూ ఈరోజు కేరళ హైకోర్టు ఓ కేసులో కీలక తీర్పునిచ్చింది. తన కూతురిని ఓ యువకుడు నిర్బంధించాడంటూ కేరళలోని అలప్పుళ ప్రాంతానికి చెందిన మహ్మద్ రియాద్ అనే వ్యక్తి హైకోర్టును ఆశ్రయించగా.. ఈ కేసులో విచారణ జరిపిన న్యాయస్థానం సదరు యువతి.. ఆ యువకుడితో పరస్పర అంగీకారంతోనే కలిసి జీవిస్తోందని తెలుసుకుంది.

దీంతో చట్ట ప్రకారం, పెళ్లి చేసుకునే వయసు వారికి లేకపోయినప్పటికీ కలిసి ఉండొచ్చని తీర్పునిచ్చింది. చట్టప్రకారం పెళ్లి చేసుకునే వయసు రాగానే వారు చేసుకోవచ్చని పేర్కొంది.