Odisha: ఒడిశా, మిజోరాం రాష్ట్రాలకు కొత్త గవర్నర్ల నియామకం

ఒడిశా, మిజోరాం రాష్ట్రాలకు కొత్త గవర్నర్లను నియమించారు. హర్యానా బీజేపీ నేత, ప్రొఫెసర్ గణేశ్ జీ లాల్ ని ఒడిశా గవర్నర్ గా, కేరళ బీజేపీ చీఫ్ కుమ్మనమ్ రాజశేఖరన్ ని మిజోరాం గవర్నర్ గా నియమించారు. ఈ మేరకు రాష్ట్రపతి రామ్ నాథ్ కోవింద్ ఉత్తర్వులు జారీ చేశారు. కాగా,  ప్రస్తుతం ఒడిశా గవర్నర్ గా అదనపు బాధ్యతలను బీహార్ గవర్నర్ సత్యపాల్ మాలిక్ నిర్వర్తిస్తున్నారు. మిజోరాం గవర్నర్ గా ఉన్న నిర్భయ్ శర్మ పదవీ కాలం ఈ నెల 28వ తేదీతో ముగియనుంది.