poonam kaur: దర్శకుడిపై పూనమ్ కౌర్ వివాదాస్పద ట్వీట్స్.. హాట్ టాపిక్!

తెలుగు తెరపై అందాల కథానాయికగా మంచి మార్కులు కొట్టేసిన పూనమ్ కౌర్, సక్సెస్ లను తన ఖాతాలో వేసుకోలేక వెనుకబడిపోయింది. అలాంటి పూనమ్ కౌర్ తాజాగా చేసిన ట్వీట్స్ .. ఫిల్మ్ నగర్లో హాట్ టాపిక్ గా మారాయి. 'జల్సాలు చూపిస్తూ అజ్ఞాతవాసంలో వేసేస్తాడు జాగ్రత్త .. నమ్మకద్రోహి' అంటూ ఆమె చేసిన ట్వీట్ గురించే అంతా చర్చించుకుంటున్నారు. ఆమె చేసిన ఈ ట్వీట్ లో రెండు సినిమా పేర్లను వాడటంతో ఈ విషయం మరింత వేడెక్కింది."ఆ నాలుగు కుటుంబాలకు దగ్గరగా ఉండటం .. ఎన్నారై హీరోయిన్లకు అవకాశాలు ఇవ్వడం ఆ దర్శకుడికి అలవాటు. నాకు హిట్లు లేవనే సాకులు చెప్పి ఆ ఎన్నారై హీరోయిన్ కు అవకాశం ఇచ్చాడు. మరి ఆ ఎన్నారై హీరోయిన్ కు హిట్లు ఉన్నాయా? ఆ ఎన్నారై హీరోయిన్లు మీరు చెప్పిన పనులు బాగా చేస్తారని విన్నాను .. అలాంటి ఉద్యోగాలు చేయకపోవడమే మంచిది" అంటూ ఆమె తన ట్వీట్ లో రాసుకొచ్చింది. పూనమ్ కౌర్ చేసిన ఈ ట్వీట్స్ కారణంగా ఆ దర్శకుడు ఎవరనే విషయంలో నెటిజన్లకు ఒక క్లారిటీ వచ్చేసింది. అయితే ఈ వివాదం ఎక్కడి వరకూ వెళుతుందా అనేదే ఎవరికీ అర్థం కావడం లేదు.