ram charan: చిరంజీవి బాటలోనే అడుగులు వేయబోతున్న రామ్ చరణ్.. ఫౌండేషన్ ఏర్పాటుకు నిర్ణయం!

తన తండ్రి చిరంజీవి బాటలోనే హీరో రామ్ చరణ్ అడుగులు వేయబోతున్నారు. 'చిరంజీవి చారిటబుల్ ట్రస్ట్'ను స్థాపించిన మెగాస్టార్ పలు సేవలు అందిస్తున్న సంగతి తెలిసిందే. త్వరలోనే తాను కూడా పేదలకు ఉపయోగపడే ఓ ఫౌండేషన్ ను స్థాపించనున్నట్టు చరణ్ తెలిపాడు. తనకు వచ్చే పారితోషికంలో 15 శాతం వరకు ఈ ట్రస్ట్ కు ఇస్తానని చెప్పాడు. తన ఫౌండేషన్ ద్వారా ఆరోగ్య సమస్యలు ఉన్న వారికి సేవ చేసే అవకాశం ఉంటుందని తెలిపాడు.

గత దశాబ్దకాలంగా చిరంజీవి చారిటబుల్ ట్రస్ట్ ద్వారా పేదలకు సేవ చేస్తున్నామని... తమకు వస్తున్న పారితోషికంలో కొంత మొత్తాన్ని ఆ ట్రస్ట్ కు కేటాయిస్తున్నామని రామ్ చరణ్ చెప్పాడు. ఇప్పటి వరకు ఆ ట్రస్ట్ కు బయటవారి నుంచి ఎలాంటి ఫండ్స్ తీసుకోలేదని తెలిపాడు. తమ సేవలు మరింత ఎక్కువ మందికి చేరాలనే సదుద్దేశంతోనే మరో ఫౌండేషన్ ను స్థాపించబోతున్నట్టు చెప్పాడు. ఈ ఫౌండేషన్ ను అభిమానులకు అంకితం చేస్తామని అన్నాడు. కొత్త ఫౌండేషన్ ను స్థాపించాలనే ఆలోచన తన తండ్రిదేనని చెప్పాడు.