Tollywood: సీనియర్ నటి వాణిశ్రీ సోదరి మృతి !

టాలీవుడ్ సీనియర్ నటి వాణిశ్రీ ఇంట విషాదం నెలకొంది. ఆమె సోదరి కాంతమ్మ (70) గుండెపోటుతో మరణించారు. చెన్నైలోని తన స్వగృహంలో ఈరోజు ఉదయం ఆమె తుదిశ్వాస విడిచారు. కాగా, కాంతమ్మ స్వస్థలం నెల్లూరు. ఆమె బంధువులు అమెరికాలో ఉండటంతో వారు ఇక్కడికి వచ్చిన తర్వాతే  అంత్యక్రియలు నిర్వహించనున్నట్టు సమాచారం.  కాగా, సోదరి మృతిపై సంతాపం తెలుపుతూ పలువురు ప్రముఖులు వాణిశ్రీకి సందేశాలు పంపారు.