uday kiran: తెరపైకి ఉదయ్ కిరణ్ బయోపిక్ .. దర్శకుడిగా తేజ?

తెలుగు తెరపై హీరోగా ఉదయ్ కిరణ్ అంచెలంచలుగా ఎదిగాడు. యూత్ లో ఆయనకి మంచి క్రేజ్ వచ్చింది. అయితే ఆ తరువాత ఆయనకి వరుస పరాజయాలు ఎదురుకావడం .. అవకాశాలు తగ్గడం జరిగాయి. కారణమేదైనా కొంతకాలం క్రితం ఆయన ఆత్మహత్య చేసుకుని చనిపోయాడు. ఇప్పుడు ఆయన బయోపిక్ ను రూపొందించే దిశగా దర్శకుడు తేజ ప్రయత్నాలు మొదలెట్టాడనే టాక్ ఫిల్మ్ నగర్లో బలంగా వినిపిస్తోంది.

ఉదయ్ కిరణ్ ను 'చిత్రం' సినిమా ద్వారా హీరోగా పరిచయం చేసింది తేజానే. అందువలన ఈ బయోపిక్ విషయంలో నిజం వుండే అవకాశమే ఎక్కువని చెప్పుకుంటున్నారు. ఉదయ్ కిరణ్ చనిపోయిన తరువాత 'మస్కట్' లో వుండే ఆయన సోదరి శ్రీదేవి ఒక ఇంటర్వ్యూలో కొన్ని వ్యాఖ్యలు చేసింది. ఆయనకి ఆర్థికపరమైన ఇబ్బందులు లేవంటూ కొన్ని విషయాలు ప్రస్తావించింది. అవన్నీ కూడా ఈ బయోపిక్ లో ఉండవచ్చనే అభిప్రాయాలు వ్యక్తమవుతున్నాయి.