gopichand: తేజు నో చెప్పిన కథకి ఓకే చెప్పిన యాక్షన్ హీరో!

సాయిధరమ్ తేజ్ సినిమాలు సక్సెస్ వైపు చూసి చాలాకాలమే అయింది. దాంతో ఆయన కథల ఎంపిక విషయంలోను .. దర్శకులకు గ్రీన్ సిగ్నల్ ఇచ్చే విషయంలోను ఒకటికి రెండు మార్లు ఆలోచిస్తున్నాడు. ఈ నేపథ్యంలోనే ఆయన దర్శకుడు చంద్రశేఖర్ యేలేటికి 'నో' చెప్పేసినట్టు సమాచారం.

 కొన్ని రోజుల క్రితం చంద్రశేఖర్ యేలేటి .. తేజుకి ఒక కథను వినిపించాడట. ఆ సినిమా చేయాలా? వద్దా? అనే విషయంలో తర్జనభర్జనలు పడిన తేజు .. చివరికి నో చెప్పేశాడట. దాంతో చంద్రశేఖర్ యేలేటి ఆ కథను తీసుకుని గోపీచంద్ ను కలవడం .. ఆయన ఓకే చెప్పేయడం జరిగిపోయిందట. గతంలో చంద్రశేఖర్ యేలేటి .. గోపీచంద్ కాంబినేషన్లో వచ్చిన 'ఒక్కడున్నాడు' .. 'సాహసం' సినిమాలు అభిమానులను మెప్పించాయి. ఇక ఈ కాంబినేషన్లో ముచ్చటగా మూడో సినిమా రానుండటం ఆసక్తిని రేకెత్తించే విషయమే.