Ramcharan: 'రంగస్థలం', రామ్ చరణ్ గురించి రాజమౌళి, రామ్ గోపాల్ వర్మ ఏమన్నారంటే..!

రామ్ చరణ్ తాజా చిత్రం 'రంగస్థలం' బాక్సాఫీస్ ను కొల్లగొడుతోంది. మరోవైపు, ఈ సినిమాలో చరణ్ నటనకు విమర్శకుల నుంచి సైతం ప్రశంసలు దక్కుతున్నాయి. ఈ నేపథ్యంలో దర్శకుడు రాజమౌళి స్పందిస్తూ, రంగస్థలంలో ఎన్నో మంచి విషయాలు ఉన్నాయని చెప్పారు. చిట్టిబాబు క్యారెక్టర్ ను సుకుమార్ మలచిన తీరు, ఆ పాత్రలో రామ్ చరణ్ ఒదిగిపోయిన తీరు సూపర్బ్ అంటూ కితాబిచ్చారు. చరణ్ నటనను చూడటం ఓ ట్రీట్ వంటిదని అన్నారు. ఈ సినిమాలో చరణ్ కు దీటుగా జగపతిబాబు నటించారని చెప్పారు. స్లోగా ఆయన డైలాగులు చెప్పిన తీరు అద్భుతంగా ఉందని అన్నారు. టెర్రిఫిక్ బాక్సాఫీస్ పర్ఫామెన్స్ ప్రదర్శించినందుకు మైత్రీ మూవీస్, సుకుమార్, ఇతర టీమ్ సభ్యులకు శుభాకాంక్షలు తెలిపారు.

మరోవైపు ఈ సినిమాపై రామ్ గోపాల్ వర్మ కూడా స్పందించారు. 'రంగస్థలం' ఓ బుల్లెట్ లాంటి అఛీవ్ మెంట్ అని అన్నారు. రామ్ చరణ్ 'మైండ్ బ్లోయింగ్లీ ఫెంటాస్టిక్' అంటూ కితాబిచ్చారు. 'హేయ్ సుకుమార్ నీకు మూడు ధన్యవాదాలు, మూడు ముద్దులు' అంటూ ట్వీట్ చేశారు.