srivishnu: చిన్న సినిమానే పెద్ద హిట్ కొట్టేసింది .. అదనంగా 70 థియేటర్లు

మొదటి నుంచి కూడా శ్రీవిష్ణు వైవిధ్యభరితమైన సినిమాలను చేస్తూ వస్తున్నాడు. ఆయన తాజా చిత్రంగా 'నీదీ నాదీ ఒకే కథ' ప్రేక్షకుల ముందుకు వచ్చింది. వేణు ఊడుగుల దర్శకత్వం వహించిన ఈ సినిమా, విడుదలైన ప్రతి ప్రాంతంలోనూ విజయవిహారం చేస్తూ వెళుతోంది. భారీ వసూళ్లను సాధిస్తూ .. శ్రీవిష్ణు ను మరోమెట్టు పైకి ఎక్కించింది.

 చాలా తక్కువ బడ్జెట్ తో రూపొందిన ఈ సినిమా, తొలి మూడు రోజుల్లోనే లాభాల బాటలో పడిపోయింది. ఈ సినిమాకి గల ఆదరణను బట్టి అదనంగా 70 థియేటర్లను పెంచారు. ఈ సినిమా కోసం 2.25 కోట్లు ఖర్చు చేయగా, ఇప్పటికే 2.30 కోట్ల లాభాలను రాబట్టింది. శాటిలైట్స్ రైట్స్ ఇంకా అమ్మడం జరగలేదు. వాటికి భారీ రేటు పలకనుందని అంటున్నారు. ఇక ఈ సినిమా వసూళ్లు కూడా మరింతగా పెరగనున్నాయని చెబుతున్నారు. మొత్తానికి శ్రీ విష్ణు ఖాతాలో మరో హిట్ చేరిపోయిందనే టాక్ బలంగా వినిపిస్తోంది.