actor jitendra: నటుడు జితేంద్రపై లైంగిక ఆరోపణలు... పోలీసు కేసు నమోదు

పాతతరం నటుడు జితేంద్రపై లైంగిక ఆరోపణల కింద కేసు నమోదైంది. ఇది 47 ఏళ్ల క్రితం జరిగిన ఘటన. 1971లో సిమ్లాలో ఓ హోటల్ గదిలో తనపై జితేంద్ర లైంగిక దాడి చేసినట్టు ఓ బాధితురాలి నుంచి అందిన ఈ మెయిల్ ఫిర్యాదు ఆధారంగా చోటా సిమ్లా పోలీసు స్టేషన్ లో సెక్షన్ 354 ఐపీసీ కింద కేసు నమోదైంది.

 బాధితురాలి ఆరోపణ ప్రకారం ఈ ఘటన జరిగినప్పుడు ఆమె వయసు 18 సంవత్సరాలు. జితేంద్ర అప్పుడు 28 ఏళ్ల వయసులో ఉన్నారు. జితేంద్రతో కలసి బాధితురాలు ఢిల్లీ నుంచి ఓ రోజు రాత్రి సిమ్లా చేరుకుని ఓ హోటల్ లో బస చేశారు. ఆ రాత్రి జితేంద్ర బాగా తాగిన స్థితిలో గదికి తిరిగొచ్చి వేర్వేరుగా ఉన్న రెండు మంచాలను దగ్గరకు జరిపి లైంగిక దాడి చేసినట్టు ఆమె ఆరోపణ. అయితే, ఇవన్నీ ఆధారాల్లేని అరోపణలుగా జితేంద్ర తరఫు న్యాయవాది కొట్టిపడేశారు.