Mauji: యాక్షన్ సీన్‌లో గాయపడిన హీరో....షూటింగ్ పూర్తిచేసి శభాష్ అనిపించుకున్న వైనం..!

బాలీవుడ్ యువ హీరోల్లో ఒకరైన వరుణ్ థావన్ షూటింగ్‌లో గాయపడ్డాడు. అయినా సరే ఏ మాత్రం వెనక్కి తగ్గలేదు. గాయాన్ని లెక్కచేయకుండా షూటింగ్ పూర్తి చేసి యూనిట్ సభ్యుల చేత శభాష్ అనిపించుకున్నాడని మిడ్-డే నివేదిక తెలిపింది. మధ్యప్రదేశ్‌లోని చందేరిలో వరుణ్ తాజా చిత్రం 'సుయ్ ధాగా' షూటింగ్ జరుపుకుంటోంది. ఈ సినిమాలోని ఓ యాక్షన్ సీన్‌ను డూప్ లేకుండా తానే చేస్తానంటూ అతను పట్టుబట్టాడు.

ఈ సన్నివేశంలో భాగంగా హీరో మెట్లపై నుంచి కిందికి దొర్లుకుంటూ రావాలి. ఇలా దొర్లుకుంటూ వస్తున్నప్పుడు ఒక మెట్టును వదిలి మరో మెట్టుపై పడటంతో అతని నుదుటిపై స్వల్ప గాయమైంది. దాంతో షూటింగ్‌కు వెంటనే బ్రేక్ ఇచ్చారు. గాయానికి వైద్యులు ప్రథమ చికిత్స చేశారు. ఒక్క రోజు బెడ్ రెస్ట్ తీసుకోవాలని వారు సూచించారు. కానీ, రెస్ట్ గిస్ట్ అవసరం లేదని, షూటింగ్ ఆలస్యం కావొద్దని చెబుతూ ఆ యాక్షన్ సీన్‌ను పూర్తి చేసేశాడట వరుణ్. అతని ప్రొఫెనలిజానికి యూనిట్ సభ్యులు శభాష్ అంటూ తెగ పొగిడేస్తున్నారు. ఈ సినిమాలో అతను మౌజీ పాత్రను పోషిస్తున్నాడు.