gmail go app: గూగుల్ నుంచి జీ మెయిల్ గో యాప్... ప్లే స్టోర్ నుంచి డౌన్ లోడ్ కు రెడీ

గూగుల్ జీమెయిల్ గో యాప్ ను విడుదల చేసింది. ఈ యాప్ ను ప్లే స్టోర్ నుంచి డౌన్ లోడ్ చేసుకోవచ్చు. ఆండ్రాయిడ్ 8.1 ఓరియో ఆ తర్వాత వచ్చే వెర్షన్లకు ఇది సపోర్ట్ చేస్తుంది. గూగుల్ ఇటీవలే ఫైల్స్ గో, గోబోర్డ్ గో, గూగుల్ గో, మ్యాప్స్ గో, యూట్యూబ్ గో అంటూ పలు యాప్స్ ను విడుదల చేసిన విషయం తెలిసిందే. ఈ క్రమంలోనే జీమెయిల్ కు సంబంధించి గో ఎడిషన్ యాప్ ను తీసుకొచ్చింది.

జీమెయిల్ కు సంబంధించి బేసిక్ ఫీచర్లన్నింటినీ ఇది సపోర్ట్ చేస్తుంది. అలాగే, జీమెయిల్ తో పాటు ఔట్ లుక్ డాట్ కామ్, యాహూ మెయిల్ ఇతర ఈ మెయిల్ అకౌంట్లను కూడా ఏర్పాటు చేసుకోవచ్చు. జీమెయిల్ గో యాప్ అన్నది తేలిక పాటి వెర్షన్. రెగ్యులర్ జీమెయిల్ యాప్ సైజు 20.66 ఎంబీ కాగా, జీమెయిల్ గో వెర్షన్ 9.51ఎంబీయే. రెగ్యులర్ వెర్షన్ యాప్ 47ఎంబీని వినియోగించుకుంటే, గో వెర్షన్ 25 ఎంబీయే వినియోగించుకుంటుంది.