Raviteja: 'టచ్ చేసి చూడు'లో రవితేజ దుమ్మురేపేశాడట!

విక్రమ్ సిరికొండ దర్శకత్వంలో రవితేజ చేసిన 'టచ్ చేసి చూడు' సినిమా, ఈ రోజునే భారీస్థాయిలో థియేటర్లలోకి వచ్చింది. పోలీస్ ఆఫీసర్ గా రవితేజ నటించిన ఈ సినిమాలో, రాశి ఖన్నా .. శీరత్ కపూర్ కథానాయికల పాత్రలను పోషించారు. ఈ సినిమా చూసినవాళ్లు ..  పోలీస్ ఆఫీసర్ కార్తికేయగా రవితేజ అదరగొట్టేశాడని అంటున్నారు.

ఫైట్లు .. డాన్సులు .. కామెడీ పంచ్ ల విషయంలో ఆయన దుమ్మురేపేశాడని చెబుతున్నారు. పోలీస్ పాత్రలో మెప్పించడం రవితేజకు అలవాటే. పోలీస్ పాత్రలో గతంలో ఆయన చేసిన సినిమాలు సక్సెస్ ను అందుకున్నాయి. అంతే ఎనర్జీ లెవెల్స్ తో ఆయన ఈ సినిమాలోను రెచ్చిపోయాడని అంటున్నారు. రొమాంటిక్ సీన్స్ ను .. ఫ్యామిలీ ఎమోషన్స్ ను తనదైన శైలిలో పండించి, ఇది రవితేజ మార్క్ సినిమా అనిపించాడనే అభిప్రాయాలను వ్యక్తం చేస్తున్నారు.