honor 9: ఆన‌ర్ 9 లైట్‌ ఫ్లాష్‌సేల్‌.... 120 సెక‌న్ల‌లో ఔట్ ఆఫ్ స్టాక్‌

ఆన‌ర్ 9 లైట్ స్మార్ట్‌ఫోన్‌కి వినియోగదారుల నుంచి మంచి ఆద‌ర‌ణ ల‌భిస్తోంది. బడ్జెట్ ధ‌ర‌లో మంచి ఫీచ‌ర్లు ఉన్న ఈ స్మార్ట్‌ఫోన్ ఫ్లాష్‌సేల్ ఇవాళ 12 గం.ల‌కు ఆన్‌లైన్ మార్కెట్ దిగ్గ‌జం ఫ్లిప్‌కార్ట్‌లో ప్రారంభ‌మైంది. ప్రారంభ‌మైన రెండు నిమిషాల్లోనే ఆన‌ర్ 9 లైట్ ఔట్ ఆఫ్ స్టాక్ అయిపోయిన‌ట్లు తెలుస్తోంది. ఈ ఫ్లాష్‌సేల్ నిర్వ‌హించ‌డం ఇది నాలుగోసారి. అయిన‌ప్ప‌టికీ ఇంత ఆద‌ర‌ణ ల‌భించడం ఆనందంగా ఉంద‌ని 'హువాయి' వినియోగ‌దారుల బిజినెస్ హెడ్ సంజీవ్ అన్నారు.

ఇప్ప‌టివ‌రకు జ‌రిగిన ఫ్లాష్‌సేల్‌ల‌లో ఇదే అత్యంత వేగంగా జరిగింద‌ని ఫ్లిప్‌కార్ట్ వెల్ల‌డించింది. మొద‌టి ఫ్లాష్‌సేల్‌ 6 నిమిషాల్లో, రెండో ఫ్లాష్‌సేల్ 3 నిమిషాల్లో పూర్తయింద‌ని తెలిపింది. 3జీబీ, 4జీబీ వేరియంట్ల‌లో ఆండ్రాయిడ్ ఓరియో ఆప‌రేటింగ్ సిస్టం, 3000 ఎంఎహెచ్ బ్యాట‌రీ సామ‌ర్థ్యం, 5.65 ఇంచుల తెర‌, హువాయి హైసిలికాన్ కిరిన్ 659 ప్రాసెస‌ర్ ఇందులో ఉన్నాయి. దీని ధ‌ర రూ. 10,999.