Hyderabad: హైదరాబాద్‌లో దారుణం.. టికెట్ తీసుకోలేదని ప్రయాణికుడి చేతిని విరగ్గొట్టిన డ్రైవర్, కండక్టర్!

హైదరాబాద్‌లోని ఎల్బీనగర్‌లో దారుణ ఘటన చోటు చేసుకుంది. ఆర్టీసీ బస్సులో ప్రయాణిస్తోన్న ప్రయాణికుడిపై డ్రైవర్, కండక్టర్ దాడి చేసి అతడి చేతిని విరగ్గొట్టారు. సదరు ప్రయాణికుడు బస్ ఎక్కి టికెట్ తీసుకోకుండా ప్రయాణిస్తున్నాడు. ఈ విషయంపై ఆ బస్సు కండక్టర్‌కి, ప్రయాణికుడికి మధ్య వాగ్వివాదం చోటు చేసుకుంది. ఈ క్రమంలో కండక్టర్, బస్సు డ్రైవర్ కలిసి ప్రయాణికుడిని కిందికి దించారు. అనంతరం కర్రలతో ప్రయాణికుడిపై దాడి చేశారు. కాగా, ఈ విషయంపై సదరు ప్రయాణికుడు పోలీసులకు ఫిర్యాదు చేసినప్పటికీ పోలీసులు పట్టించుకోలేదని తెలుస్తోంది.