aziz ansari: గోల్డెన్ గ్లోబ్ అవార్డుల్లో భార‌త సంత‌తి న‌టుడి రికార్డు
- కామెడీ టీవీ సిరీస్‌లో ఉత్త‌మ న‌టుడి అవార్డు అందుకున్న అజీజ్ అన్సారీ
- ఈ అవార్డు అందుకున్న మొద‌టి ఆసియ‌న్ అమెరిక‌న్‌గా గుర్తింపు
- 'మాస్ట‌ర్ ఆఫ్ న‌న్‌' షోలో న‌ట‌న‌కు గాను అవార్డు
అమెరికాలోని కాలిఫోర్నియాలో జ‌రిగిన ప్రతిష్ఠాత్మ‌క గోల్డెన్ గ్లోబ్ అవార్డుల వేడుక‌లో భార‌త సంత‌తికి చెందిన న‌టుడు రికార్డు సృష్టించారు. కామెడీ టీవీ సిరీస్‌లో ఉత్త‌మ న‌టుడిగా అజీజ్ అన్సారీ అవార్డు అందుకున్నారు. ఈ అవార్డు అందుకున్న మొద‌టి ఆసియ‌న్ అమెరికన్ గా అన్సారీ నిలిచారు.
'మాస్ట‌ర్ ఆఫ్ న‌న్‌' అనే కామెడీ షోలో తన న‌ట‌న‌కు గాను అజీజ్ ఈ అవార్డు అందుకున్నారు. గ‌తంలో కూడా ఇదే షోలో న‌ట‌న‌కు అజీజ్ గోల్డెన్ గ్లోబ్ నామినేష‌న్ సంపాదించారు కానీ అవార్డు గెల‌వ‌లేక‌పోయారు.
ఈ అవార్డు వ‌చ్చిన సంగ‌తి తెలియ‌గానే త‌న‌కు ఆశ్చర్యానందాలు కలిగాయని అజీజ్ తన ప్ర‌సంగంలో పేర్కొన్నారు. అజీజ్ అన్సారీ త‌మిళ ముస్లిం కుటుంబానికి చెందిన‌వారు. వాయిస్ ఆర్టిస్ట్‌గా, ప్రొడ్యూస‌ర్‌గా, న‌టుడిగా అజీజ్ అన్సారీ హాలీవుడ్‌లో రాణిస్తున్నారు.
