raj tarun: హైద‌రాబాద్ వాతావ‌ర‌ణం కాఫీలా ఉంది: సినీన‌టుడు రాజ్‌త‌రుణ్‌

టాలీవుడ్ యంగ్ హీరో రాజ్ త‌రుణ్ సోష‌ల్ మీడియాలో ఎల్ల‌ప్పుడూ యాక్టివ్‌గా ఉంటాడు. ట్విట్ట‌ర్‌లో త‌న అభిమానులు అడిగిన ప్ర‌శ్న‌ల‌కు ఖాళీ స‌మ‌యాల్లో జ‌వాబులు ఇస్తుంటాడు. కాస్త స‌మ‌యం దొర‌క‌డంతో హైద‌రాబాద్ వాతావ‌ర‌ణం గురించి రాజ్ త‌రుణ్ ఓ ట్వీట్ చేశాడు. హైద‌రాబాద్ వాతావ‌ర‌ణం కాఫీలా ఉంద‌ని అన్నాడు. ఒక్కోసారి చాలా వేడిగా ఉంటుంద‌ని, ఒక్కోసారి చాలా చ‌ల్ల‌గా ఉంటుంద‌ని అన్నాడు.
 
కాగా, 'అన్నా చాలా బిజీ అయిపోయావా.. ఏంటీ?' అంటూ ఓ అభిమాని ట్వీట్ చేయ‌గా, 'కొంచెం బిజీ బ్రో' అంటూ రాజ్ త‌రుణ్ రిప్లై ఇచ్చాడు. 'నెక్స్ట్ సినిమా ఎక్క‌డ భ‌య్య?' అంటూ మ‌రో అభిమాని ట్వీట్ చేయ‌గా 'చిన్న స‌ర్‌ప్రైజ్ భ‌య్యా.. చాలా త్వ‌ర‌లో చెబుతా' అని చెప్పాడు.