tv serial on vangaveeti ranga: వంగవీటి రంగా అంటే ఏమిటో ఈ సీరియల్ ద్వారా చూపిస్తా!: నటుడు జీవీ నాయుడు

దివంగత వంగవీటి మోహన రంగా జీవిత చరిత్ర ఆధారంగా టీవీ సీరియల్ రాబోతోంది. ఈ సీరియల్ ను సినీ నటుడు జీవీ నాయుడు నిర్మించనున్నారు. నేడు రంగా 29వ వర్ధంతి. ఈ సందర్భంగా ఆయన మాట్లాడుతూ, మొత్తం 150 ఎపిసోడ్లతో రంగా జీవిత చరిత్ర ఆధారంగా టీవీ సీరియల్ తీస్తున్నానని చెప్పారు. రంగా ఘనత చాటేలా ఈ సీరియల్ ఉంటుందని అన్నారు.

దివంగత దాసరి నారాయణరావు సూచనల మేరకే తాను ఈ సీరియల్ ను తీస్తున్నానని చెప్పారు. రంగా చరిత్ర ఆధారంగా రామ్ గోపాల్ వర్మ సినిమా తీశారని... అయితే, ఎడిట్ చేసిన సినిమానే ఆయన బయటకు వదిలారని అన్నారు. తన సీరియల్ లో వాస్తవాలు ఉంటాయని చెప్పారు.