sai dharam tej: ఒకే రోజున రంగంలోకి దిగుతోన్న మెగా హీరోలు!
- సాయిధరమ్ తేజ్ హీరోగా 'ధర్మా భాయ్'
- ఫిబ్రవరి 9న విడుదల చేసే ఆలోచన
- ఆ రోజే రానున్న వరుణ్ తేజ్ 'తొలిప్రేమ'
సాయిధరమ్ కథానాయకుడిగా వినాయక్ దర్శకత్వంలో ఒక మాస్ ఎంటర్టైనర్ రూపొందుతోంది. ఇప్పటికే చాలావరకూ చిత్రీకరణను పూర్తి చేసుకున్న ఈ సినిమాకి 'ధర్మా భాయ్' అనే టైటిల్ పరిశీలనలో వుంది. ఈ సినిమా తనకి తప్పకుండా హిట్ ఇస్తుందనే నమ్మకంతో సాయిధరమ్ తేజ్ వున్నాడు. ఈ సినిమాకి సంబంధించిన పాటలను ఈ నెల 18వ తేదీ నుంచి తెరకెక్కించడానికి ప్లాన్ చేశారు. అలాగే సాధ్యమైనంత త్వరలో క్లైమాక్స్ ను చిత్రీకరించనున్నారు.
ఫిబ్రవరి 9వ తేదీన ఈ సినిమాను విడుదల చేయాలనే నిర్ణయానికి వచ్చినట్టు సమాచారం. అయితే వరుణ్ తేజ్ చేస్తోన్న 'తొలిప్రేమ' సినిమాను కూడా అదే రోజున విడుదల చేయనున్నారు. రీసెంట్ గా ఈ సినిమా నుంచి వచ్చిన ఫస్టులుక్ కి మంచి రెస్పాన్స్ వచ్చింది. ఇలా ఒకే రోజున మెగా హీరోలు రంగంలోకి దిగుతుండటం అభిమానుల్లో ఆసక్తిని రేపుతోంది. ఇదే రోజున మోహన్ బాబు 'గాయత్రి' .. నిఖిల్ 'కిరాక్ పార్టీ' కూడా విడుదలవుతుండటం విశేషం.
